refreng

svanesangen atonal

ikkje eit einaste lyspunkt
å krype inn i

taktstokken smuldrar
gapande refreng

dans

vinden dansar flagget
vinen dansar plagget

feiring på full stong

ein dag venleiken ligg flat i dårlege bøker
og det kjem elitesoldatar ut av TV-kanalane
teiknar barnet mor og blomane jamhøge


katta melder einsidig våpenkvile frå sofaryggen

i verandakassa svaiar dillen


og det vakre snakkar til deg frå lange røter

dokumentar

 

 idag har eg rydda

i fortida mi

slik fekk eg akkurat plass

til historia

om meg sjølv

off-pist

lyset ler


over appelsin-lendet


i huda


når du tek solheisen


til toppmålet


utløyser lavina


påskar deg off-pist

 lyset


komponerar

etyde 

for varig vindaugsplass

på leit

ulmebrannen

smelta dei heitaste orda

 stundom let han ei smal røykstripe sive ut

 nok til at ho vendte seg mot han

 snusande